ByebyE2007

2007年好快咁過左,今年自覺有三件事係最重要
1.終於,係終於大學畢業啦,呢一個係我中一既時候諗都無諗過可能發生既事,只係一步,一步咁做好自己當下要做好既事:只係有時做得唔好既時候要take two再做既時候要做到最好最好. 雖然只係Second-low Hon畢業,不過可以跟同期既同學畢業,多謝所有係我呢23年既學習過程中幫過我的老師和同學,最最重要既中學老師-秦sir既教導...無佢當年地獄般既訓練就無今日既我,多謝
2.今年係我第三次去倫敦,第二次去瑞士,第一次去法國,荷蘭,德國&意大利:感受最深既係再去瑞士,係同一個地方映同一張相;7年既改變的確不少,同肥基睇番2000年一齊去既地方,今年我係同一個地方又影同一幅相,大家都覺得好有趣攪笑.無錯,改變不了的是瑞士既美景依然令人響往!今次去歐洲令到我眼界大開之外,o係旅途中同鄒仔一齊去一個大家都唔熟悉既地方,解決左許多許多大家事前估計不到的問題.忘記左係邊一個moment我地因為做錯左一個決定而影響整個行程,係我最徬徨既時候鄒仔只係淡淡的說了一句:就當上一課大學畢業前的最後一課吧~
呢一次旅程改變左我最多既係做事一定要決斷,唔好怕做錯決定,最錯既事係拖拖拉拉,做事悠悠而不作決定係最壞的決定.
3.人生第一次置業.呢個並唔係一時衝動而係我係返工時,打開am730眼見沙田第一城既樓價係7月至8月的兩個月間升了十多個百份比,自覺o個時唔買既話遲左一定會升會貴:加上placement時"大使"的性格,眼見其他同學係placement之後的資產番了幾番.我唔想十年八年後既資產只係停留/減少市盈率半成(!?)置業,我將置業係儲蓄,而且亦係改變我不當既消費模式既"激進"方法.而且置業都係當對自己既一種承諾:唔可以再好似細路咁唔定性,唔好咁大使,要儲蓄投資,工作上做事一定要小心亦亦,不要行差踏錯

2008的願景:健康富足