Freezing cold Hong Kong, 2016
2016 年1 月24日, 香港既天氣降至近50年最低溫, 古語有云"天垂像, 見吉凶". 同月有港人被失蹤於銅鑼灣, 用自己既方法去左強國,如果係咁我為咩續期申請回鄉證? 回水啦柒頭! 阿妹話要上大山睇冰睇雪, 雖然二奶冇著雪軚又冇xDrive, 但持著去過冰島漫天風雪揸架Toyota Yaris 都掂, 小小既大帽山會難倒我? 黎到先知出事, 二奶仲好似張相咁結左冰呢... 香港都可以凍到得0'c ... 漫天雨雪, 一D都唔似香港 體感氣溫只有-1'c 呢個袋上次去瑞士少女峰都只係裝雪, 今次上黎大山竟然結冰... 裝備充足但著錯鞋, 路面結冰(Black ice) 人車都行唔到, 最盡都只可以行到呢一度... 點解唔洒鹽溶冰呢? (事後孔明mode) 回家二奶頂唔順亂出warning, 好在Bimmer forum 話係太凍電池神神地先令二奶瘋言瘋話,小事 :D 天寒地凍上過大帽山而又可以安全回家先至係醒. 唔好著黑絲短褲上到去凍親又擦傷又叫白車, 3'c又話唔返學 -30'c又話去北極咁虧龜啊~ 冬天要多關心身邊老人啊!