忙碌的一天
去左睇< 加勒比海盜：魔盜王終極之戰>.. 劇情有d拖長黎做, 加上有d攰的關係, 最終都係瞓著左… 最好笑係坐在我們前面的是Cammy, Sandra和阿君,好好笑
成日聽d人話上去樓上Café店, 我今次第一次上去,. 感覺okay啦. 不過飲左d唔熱既湯有d唔係咁開心囉. 聽下佢地講下旅行既事, 好得意. Share左d 相, 要$1.5 一張, 好貴呀, 因為係Fotomax晒的, d色好靚好出, 唔知係唔係Fujifilm機加Fujifilm相紙加Fuji的激光沖印的效果!? 聽左佢地講d行程同我地去既行程, 都幾唔同架喎. 食完野就出發去聽管弦樂去了.
Join 僧侶去香港大會堂聽<玫瑰騎士>(Der Rosenkavalier),是李察.史特勞斯[1864-1949]最受歡迎,最成功的歌劇<玫瑰騎士>於1911年1 月26日在德累斯頓首演. 因為係導賞的關係,有好多的介紹. 對我呢d初哥黎講係好既. 上個月看過葉詠詩的一篇訪問:的確正如她說, 現場聽交響樂(今次我聽的是管弦樂)比係屋企聽CD有不同的感覺, 也好聽好多. 不過開始的時候MC已叫人關掉電話,但係d人係唔聽架: 有人傾電話, 有人的電話聆聽照開… 唉, 其實呢d都係中年人/ 35+既人先係咁, 真係… 成日講咩咩香港核心價值, 其實o個一代既香港人仲有d暴發户心態,身光頸靚都好啦, 骨子裡都係無晒文化. 明白了為何到歐洲人會尊重日本人,sorry 呀香港唔係國際都會呀, 人地唔會為香港人編造中文版的書籍,因為我地都唔尊重別人的文化; 日本人會呀!
因為下晏其實唔係食左好多,之後同僧侶返去TST去食野. 去左Sushi One ( http://www.openrice.com/big5/sr2.htm?shopid=14792 ) d 野都幾好食啦, 最最出奇既係原來僧侶好鐘意玉子壽司--- 一款人人都唔會點叫既壽司,的確係幾甜既. 哈哈, 因為佢以前食過唔食鮮既海膽(好腥好難食架),但係我既”鼓勵”佢下試左呢個新鮮既海膽,係唔係好食好多呢~不過$35 兩件得咁少海膽我覺得有d搵笨囉,下次唔會再去的了
想找意式雪糕,找不到 :p回家去了. 照鏡才發現自己有一對好大的黑眼圈呀...
同心愛香港, Post左一幅相上去
留言
發佈留言